Heimasíða Ásgarðs

Mín hrossarækt er stutt á veg komin en aðaláheyrslan hjá mér er að rækta geðgóð og taugasterk hross sem að allir geta riðið. Einnig legg ég mikla áheyrslu á litadýrðina og er ég komin með nokkrar hryssur í fallegum litum. Litförótti liturinn er í mikili útrýmingarhættu og ætla ég að leggja mitt að mörkum við að reyna að rækta hann fram og reyna að halda honum á lofti. Einnig er ég óskaplega hrifin af sokkóttum hrossum og brúnblesóttu. Hér fyrir neðan eru ræktunarhryssurnar á bænum:

Faðir: Náttfari frá Ytra-Dalsgerði
Móðir: Brynja frá Felli
Litur: Brúnskjótt

Toppa var tamin og reyndist þæg klárhryssa með tölti. Góð reising og falleg fótlyfta.

Faðir: Kopar frá Galtanesi
Móðir: Litla-Ljót frá Gröf
Litur: Svartsokkótt

Heilladís var tamin ung og notuð sem bæði barnahross og fyrir fullorðna. Hún er klárhryssa með tölti og fór inná Landsmót 2000 í Unglingaflokk. Hefur hún einnig staðið sig vel á minni mótum. Þægilegra ferðahross er vart hægt að hugsa sér hún er svo ásetugóð og fótviss. Mjög falleg fótlyfta er á þessari hryssu og er hún einstakur persónuleiki.

Eðja frá Hrísum 2 (IS1997255155)

Faðir: Hrókur frá Stærri-Bæ
Móðir: Kvika frá Hrísum 2
Litur: Móvindótt litförótt

Eðja er tamin en fór fljótlega í folaldseignir. Hún er gæflynd en svolítið ör týpa. Virkilega falleg hryssa með góða reisingu.

Halastjarna frá Drangshlíð (IS1987284021)

Faðir: Blesi frá Rauðsbakka
Móðir:
Litur: Brúnblesótt (halastjarna)

Halastjarna er að gefa virkilega auðtamin hross með góða fótalyftu. Hún er í miklum metum hér á bæ vegna geðslagsins bæði í henni og afkvæmum hennar. Svo er faxið á henni virkilega sítt og fallegt.

Litla-Löpp frá Galtanesi (IS1993255002)

Faðir:
Móðir: Heilladís frá Galtanesi
Litur: Jarpsokkótt

Litla-Löpp er ræktunarhryssa sem er að gefa fallega liti og þægileg hross bæði í umgegni og tamningu. Yfirmáta róleg og taugasterk hryssa.

Skjóna frá Drangshlíð (IS1995225866)

Faðir: Vaðall frá Oddgeirshólum II
Móðir: Villimey frá Drangshlíð
Litur: Jarpskjótt

Skjóna er búin að vera í notkun sem mitt aðalreiðhross hér á bæ og er prýdd þeim höfuðkostum sem ég met hvað mest í fari reiðhrossa. Hún er taugasterk, þægilega viljug, vinkilhágeng og fótviss með afbrigðum. Fín sem reiðhross, smalahross og hægt að bregða sér í hringinn á minni mótum.

Villimey frá Drangshlíð (IS19AC284590)

Litur: Jarpskjótt

Villimey keypti ég eftir að ég tamndi dóttur hennar hana Skjónu. Villimey er að gefa auðtamið, gott brokk, tölt og mikla fótlyftu. Það vantar aðeins uppá bygginguna hjá henni en í staðinn svíkja ekki hæfileikarnir hjá afkvæmum hennar og hafa öll hennar afkvæmi áberandi flottar hreyfingar og fótlyftu.

Kringla frá Langholti

Faðir: Sveipur frá Njarðvík
Móðir: Kolla frá Kópavogi
Litur: Rauðskjótt

Kringla kemur úr Viðey og var þar í litaræktun frændanna Ragga og Ómars. Kringla er virkilega fallega byggð, langvaxin og samræmið gott. Hún er af gamla Tungufellskyninu úr Lundareykjadal.

Stórstjarna frá Ásgarði (IS2000225860)

Faðir: Brúnblesi frá Hoftúnum
Móðir: Halastjarna frá Drangshlíð
Litur: Brúntvístjörnótt

Stórstjarna er ótamin en geðug hryssa. Hún fékk þetta nafn þegar að hún fæddist,hún var svo stór nýköstuð.