Endur

Andabúskapurinn hér í Ásgarði byrjaði þegar að við fengum andaregg frá Strönd í Landeyjum vorið 2003. Klöktust þau útí útungunarvél og fengum við útúr því 13 fugla. Þetta eru skemmtilegir fuglar og afskaplega duglegir að verpa og liggja á. Varptíminn hefst í Mars og stundum er hörkufrost þegar að þær byrja varpið en það láta þær ekki á sig fá. Við nýtum eggin til matar framá vorið og setjum líka í útungunarvél. Þegar að við erum komin með nóg af eggjum í vélina þá fá þær að liggja á í friði og ró og koma þær upp cirka 5-9 ungum hver önd.